MUGARIK GABE
MUGARIK GABE Garapenerako Gobernuz Kanpoko Erakunde bat da, Erabilera Publikoko izendatua, 1987an sortua. Bere egitekoak giza garapen integrala eta gizon eta emakumeen eta herrialdeen arteko garapen ekonomiko parekidea sustatzea dira, etorkizuneko belaunaldiei begira.
Maila pertsonalean eta egiturazkoan eraldaketa sozial, politiko eta ekonomikoa dauka helburu, maila lokalean zein globalean. Politikan eragitea, gizarte-eraldaketarako heziketa eta nazioarteko elkartasuna lantzen dituzte, ekintza estrategiko gisa.
Beren ardatz nagusiak genero berdintasuna, herri indigenen eskubideak eta bizimodu iraunkorrak sustatzea dira.
Gaur egun 16 langile ditu; 14 emakume eta 2 gizon.